திருவள்ளுவரும் ஆண்ட்ராய்டு போனும்.

திருவள்ளுவர் ஓர் நாள் ஆறாயிரம் ரூபாய்க்கு
ஓர் ஆண்ராய்டு போனை வாங்கி
வொய்பை அழைத்து வைபை
முடுக்க சொல்லி
வாட்ஸ்அப்பில் ஒரு குரூப்பை தொடங்கி
குறளை பதிவிட்டு வந்தார்.

இவர் " நீரின்றி அமையாது உலகு " என்றார்
சட்டென்று ஒரு விடலை
" பீரின்றி அமையாது உலகெனச் (chat )சாட்டியது.

கோமான் என்பான் குறுக்கே வந்து
பெருசு  ,உடையார்கள்தான் அறிவாளிகளாக இருப்பார்களா ? என்றுச் (Chat )சாட்ட

உனக்கேன் இந்த அபத்தமான
ஐயம் என்று முறைக்கும் முக ஸ்டிக்கரை இவர் அனுப்ப,

"  அறிவுடையார் எல்லாம் உடையார் "
என நீதானே சொன்ன பெருசு என்று
நாக்கினை கடிக்கும் ஸ்டிக்கரையும் சேர்த்து அனுப்பினான்.

மீண்டும் வொய்பை அழைத்தார்
ஆண்ராய்டு அடுப்போடு சாம்பலாயிற்று

தாடியை நீவியவாறே
பனைமரம் நோக்கி போனார்.

----சு.சுரேஷ்மணியன். M A