Skip to main content

Posts

இனிய குழந்தைகள் நாள் நல்வாழ்த்துக்கள்.அன்போடு : சுத்தமல்லி சு.சுரேஷ் மணியன் M. A,

மாமழை!

சுத்தமல்லி. சு.சுரேஷ் மணியன் M. A, சுத்தமல்லி. சு.சுரேஷ் மணியன் M. A,

11.11.2026

சுத்தமல்லி, சு. சுரேஷ் மணியன் M. A, Click here  👆👆👆

மசக்கை

 கல்யாணத்துக்கு மின்ன மாங்காய் காசுமாலை  எடுக்கப் போனபோது  தலைக்குளிச்சவ, முப்பது நாளாச்சு இன்னும் (மரு)மகள்  தலைகுளிக்கல, மாங்காய் கேட்பாளோ!  என்ற பூரிப்பின்  புரிதலை யாருணர்வர் ? மாமியரும், அன்னையரும் தவிர,....... சுத்தமல்லி, சு. சுரேஷ் மணியன். M. A,

இது கவியல்ல

அவ்வையாரின் ஆத்திச்சூடியும் பாரதியின் புதிய ஆத்திச்சூடியும் s

அறம் செய விரும்பு  ஆறுவது சினம்  இயல்வது கரவேல்  ஈவது  விளக்கேல்  உடையது விளம்பேல்  ஊக்கமது கைவிடேல்  எண்ணெழுத்து இகழேல்  இப்படியாக அவ்வையாரின் ஆத்திச்சூடியை, எமது ஊரான  சுத்தமல்லி  தொடக்கப்பள்ளி வகுப்புகளில் மதிய சத்துணவுக்கு பின் ஒரு வித தூக்கம் கலந்த ஆயாசத்தோடு  " கூட்டத்தோடு சேர்ந்து கோவிந்தா " போட்ட அந்த நந்தவன நாட்கள் இன்னும் மனதை விட்டு அகலாமல் பசுமரத்தாணி போல் ஆழ பதிந்துள்ளது.  ஆனாலும் " அறம் செய விரும்பு "  எனும் வரிக்கு அடுத்துவரும் வரிகள் எல்லாம் அவ்வை பாட்டி கட்டளைத்தொனியில் ( Order)  கூறுவது போல இருக்கும். ஆனால் முதல் வரி " அறம் செய் " என்று இல்லாமல் " அறம் செய விரும்பு " எனும் வேண்டுகோள் தொனியில் ( Request)  காணப்படுகிறதே இதன் பிண்ணனி என்னவென்று ஆராய்ந்து பார்த்தால் அங்கேயும் ஒரு வியப்பும், நேர்த்தியும் மேலோங்கி நிற்கிறது.  அறம் என்பது தர்மம் அல்லது நீதி அல்லது உலகத்து உயிர்களுக்கெல்லாம் நீ செய்யக்கூடிய எந்தவொரு காரியம் நன்மை அளிக்குமோ அது அறம் என்று பொருள் கொள்ளலாம். உணவு இல்லாமல் கஷ்டத்தில் இ...
காகிதம்  எழுத்துகள் பயணிக்கும்  வெள்ளைத் தாவரச் சாலைகள். ஆதிகாலம் முதல் வாகனங்கள் மாறுபடலாம் ஆனால்  சேற்றில் காய்ந்து போன முதல் மனிதனின்,  முதல்காலடிச் சுவடே  முதல் மண்  காகிதம்  உள்ளங்கால் ரேகைகளே  முதல் எழுதுகோல்  பிறகுதான் இன்ன பிற....  சுத்தமல்லி. சு.சுரேஷ் மணியன் M A,

காகிதம்

காகிதம்  எழுத்துகள் பயணிக்கும்  வெள்ளைத் தாவரச் சாலைகள்.  ஆதிகாலம் முதல் வாகனங்கள் மாறுபடலாம்   சேற்றில் காய்ந்து போன முதல் மனிதனின், முதல்காலடிச் சுவடே  முதல் மண்  காகிதம்   உள்ளங்கால் ரேகைகளே முதல் எழுதுகோல்   பிறகுதான் இன்ன பிற....  சுத்தமல்லி. சு.சுரேஷ் மணியன் M A,

கம்பன் என் காதலி

தமிழ் என்ற சொல்லை நாம் உச்சரிக்கும் போது எத்தைகய இனிமை இருக்கிறதோ, அது போல "கம்பர் " என்ற சொல்லை உச்சரிக்கும் போது ஒரு இனம் புரியாத மகிழ்ச்சியும்,  இறுமாப்பும் எனக்கு ஏற்படுவது உண்டு.    அதிலும் தமிழ் கடல் நெல்லை கண்ணன் ஐயா அவர்கள் கம்பனை, அவன் பாடல்களை  விளக்கும் போது மனம் குதூகளிக்கும் . கண்ணதாசன் உள்ளிட்ட பல கவிஞர்களின் எழுத்து வண்டி ஓடியதே,   கம்பனின் கவிதைகளை  அதன் சாரத்தை  அவர்கள் கடன் வாங்கிக் கொண்டதால்தான். இது முற்றிலும் உண்மை,  அதை கவியரசு கண்ணதாசனே கூறியிருக்கின்றார். சரி விடயத்திற்கு வருகிறேன் புலவர்களின் பாடக்கருத்தை விளக்கும் உரைகளான தெளிவுரை,  நயவுரை,  பொழிப்புரை என்பன போன்றவைகள் புலவன் கூறவந்த உண்மையான கருத்தை படிப்போருக்கு விளக்குகிறதா ?  என்றால்  ஆம் என்று நிச்சயம் கூறிவிட முடியாது. ஏனெனில் ? யானையை தடவி பார்த்த  குருடர்களின் கதை போன்றுதுதான் , யானையின் வாலை பிடித்து பார்த்த குருடன் யானை என்பது மெல்லியதாக நீட்டமாக இருக்கும் என்றும்,   மற்ற ஒரு குருடன் யானையின் காலை பிடித்து பார்த்து ய...

பசியின் மொழி

உண்ண ஒரு கைப்பிடி  கவளச் சோற்றுக்காகவும், ஒரு மிடறு உண்ணு நீர் குவளைக்காகவும், காத்து, துக்கித்து இருப்பானின்  மொழி.......... கண்களா ? கைகளா ? சொற்களா ? சுத்தமல்லி, சு. சுரேஷ் மணியன்   M. A,

திருக்குறள்

நித்திரை பெண்ணாள் என்னை ஆரத் தழுவும் இந்த பின்னிரவில் திருக்குறளின் ஒரு காட்சி உள்ளுக்குள் நினைவுக்கு வந்து போகிறது எனக்கு. சில நூல்களை முன்னிருந்து பின்னோக்கி படிக்க வேண்டும், உதாரணத்திற்கு கலிங்கத்துப் பரணி. ஆனால் நம் கல்லூரிப் பாடத்திட்டத்தில் கடைத் திறப்பை தள்ளி வைத்து விட்டு, காளி பாடியது, கோவில் பாடியது என பாடத்தை அமைப்பார்கள். திருக்குறள் அமைப்பு முறையும் நம்மவர்கள் அறம், பொருள், என அமைத்து விட்டு ஏனோ தானோ என இன்பத்துப் பாலை கடைசியாக பாடத்தில் வைப்பர்கள். குறள் என்றாலே, வள்ளுவர் என்றாலே வெறுமனே அறிவுரை சொல்லும் ஆசாமியாக மாணவர்கள் நினைக்கும் அளவிற்கு அது அமைந்து விடும் கலிங்கத்துப்பரணியின் கடை திறப்பை ஒரு கல்லூரி மாணவன் படித்தால் அவன் ஆயுள் முழுக்க ஜெயங்கொண்டாரை மறக்க மாட்டான் ஏனெனில் கடை திறப்பில் மிக அற்புதமான வர்ணனை நிறைந்து காணப்படும் அவன் வயதுக்கு கடைத் திறப்பை படிக்கின்ற போது ஜெயங்கொண்டாரை நினைத்து மிக மிக சந்தோஷப்படுவான். திருக்குறளின் 1121-வது குறளான "பாலொடு தேன்கலந் தற்றே பணிமொழி வாலெயிறு ஊறிய நீர்" எனும் இன்பத் துப்பால் குறளுக்கு நம்மவர் சொல்லும் உ...

நீ

கொஞ்சம் மது  தொட்டுக்கொள்ள உன் நினைவுகள்,  நீ நினைக்க நான், புகைக்க உன் புன்னகை, இனி வேறென்ன வேண்டும் எனக்கு. இப்படியாக பயணிப்போம்..... கரிசல் நாடன்.

தமிழ்

10.48மணிக்கு நியூஸ் தமிழ் செய்தி சேனலை பார்த்துக் கொண்டிருந்தேன் கேட்டுக் கொண்டிருந்தேன். அப்போது தன்னை காதலித்து திருமணம் செய்து தன்னை ஏமாற்றிய தன்னுடைய கணவன் வேறு ஒரு பெண்ணோடு விமானத்தில் இறங்கி வருவதை அறிந்து அவர்களுடன் தகராறு ஈடுபட்டார் அந்த பெண்மணி. இந்நிகழ்வை நான் தொலைக்காட்சியில் பார்த்த போது அல்லது கேட்டபோது எனக்கு சங்க இலக்கியத்தில் ஒரு பாடல் ஒன்று நினைவுக்கு வருகிறது. நான் தமிழ் படித்ததால் அநேக வேலைகளில் கேட்கும் ஏதோ ஒரு செய்திகள் அல்லது பார்க்கும் ஒரு காட்சிகள் எனக்கு திடீரென சங்க இலக்கியத்தை நினைவூட்டும் ஏனென்றால் நான் தமிழ் படித்த ஒரு சுரேஷ் “பூத்த பொங்கர்த் துணையுடன் வதிந்த தாதுண் பறவை பேதுறல் அஞ்சி மணி நா ஆர்த்த மாண்வினைத் தேரன் உவக்காண் தோன்றும்...” ( அகநானூறு- 4 ) தன்னுடைய காதல் அதாவது தலைவன் வினைபொருட்டு அதாவது பணம் ஈட்டுவதற்காக அல்லது அல்லது அரசனுக்கு போரின் பொருட்டு உறுதுணையாக ஒரு துணையாக தன்னுடைய காதலியாகிய தன்னுடைய தலைவியை அவன் பிரிந்து சென்று விட்டான்‌. மீண்டும் அவன் வரும் காலத்தை நினைத்து என்று? வருவான் .எப்போது வருவான்? என்று நினைத்து காத்துக் கொண்டிருக்கும் தல...

அவளுக்கு

மறுபிறவியிலேனும்  மனைவியாக வாய்ப்பளா ? என் முதல்காதலி      அவள் நினைவுகளை  சுமந்து சுமந்து  நெஞ்சம் நோகிறது  புகைப்படத்தைப் பார்த்து பார்த்து  கண்கள் கசிகிறது  வடக்கில் இருந்து வரும்  வாடைக்காற்றோ  வாட்டித் தொலைக்கிறது  ஒற்றை மாடு பூட்டப்பட்ட  வண்டிகாரன் நிலையில்  வாழ்ந்து கழிக்கிறேன்  இருந்து அல்ல.

க.சொ.க

திருமணம் நடக்கப் போகிறது அந்த இளம் பெண்ணுக்கு, அவளுடைய தாய் தன்னால் முடிந்த அளவு உழைத்த பணத்தைக் கொண்டு, தன் மகளுக்கு சீரும் சிறப்புமாக மணமுடித்து வைக்க தயாராகிறாள்  அந்த தாய்.    மணமேடையில்  மணமகன் ,மணமகளின் கழுத்தில்   மங்கல நாண் அணிவிக்கப் போகிறான். அந்தத் தாயோ மணமக்களுக்கு முன்னே, அருகிலோ நிற்க முடியாத சூழல். ஏனெனில் அந்தத் தாயின் கணவனோ  ஓராண்டுக்கு முன் மறைந்து விட்டார்.  அதனால் அவள் திருமணப்பந்தலுக்கு , வெளியே ஓர் புறத்திலே ,பக்கவாட்டில் வேயப்பட்ட கீற்றை விளக்கி அந்த நிகழ்ச்சியை கண்கள் கசிந்தவாறு, கண்ணார தன் மகளின் திருமணத்தை பார்த்தாளாம். இந்த நிகழ்வு முத்தமிழறிஞர் கலைஞர் அவர்கள் ஓரிடத்திலே அவரது " நெஞ்சுக்கு நீதி "நூலில் படித்திருக்கிறேன். அதே போல ,அதே சூழல்தான் ,தற்போது எனக்கும், பழூர் 03.03.2025 திங்கள் மாலை அ(இ)ன்று இந்நிகழ்ச்சி என்பதை கட்செவி புலனஞ்சல், முகநூலிலும் பார்க்கிறேன் அனைத்துப் பொறுப்பாளர்களின் பெயர்களைப்  ( Responsibility given by the party ) மாவட்டப் பிரதி என்ற சொல்லைப் படிக்கிற போது ஆண்டு 2010 க்கு சிந்தைக்குள்...

புளியமரம்

கரையோர புளியமரம் எங்க ஊரு ஆண்டேரிக் கரையோரம்  எங்களுக்கோ !   இரண்டு வீட்டுக்கும் பொதுவான ஒரு புளியமரம். முப்பாட்டன் வச்ச மரம்  மூன்றுத் தலைமுறையின்  காலடித்தடம் பட்ட இடம் குளிக்க வரும்  சிறுசுகளால்  புளிப்பான பழத்துக்காய்  கல்லடி பட்ட மரம்.  தாடிவீட்டுப் படித்துறை கரையோரம்  செழிப்போடு வளர்ந்த மரம் இடுப்பழகி நடிகை போல கொஞ்சம்  கிழக்கு நோக்கி அது  சாஞ்சிருக்கும் . பொன்னிறமாய் பூ பூக்கும்  பார்ப்போர் ரெண்டு கண்ணும் அந்த அழகில்  சொக்கி நிற்கும்  பூவோடு சேர்ந்த இளம்பிஞ்ச கடைவாயில் கடிச்சாக்க நாவரும்பு புளிப்பாலே வெட்கப்படும்  பூ கொஞ்சம்,பிஞ்சாகி , வந்த பிஞ்சு கொஞ்சம் காயாகி , காயில் கொஞ்சம் பழமாகி , அறுவடைக்கு காத்து நிற்கும் அந்த அறுவடை திருநாளுக்காய்  பொடுசுக நாங்க காத்திருப்போம் . சின்ன அப்பாயி தலைமையில  சொந்தகார குட்டாறு பெரியப்பா புளியம்பழம் உலுக்கையில  ரெண்டு சணல் கோணி கொண்டு போவோம் விழும் பழம் பொறுக்கிப்போட நாலு சின்னக்கூடையும் கொண்டு போவோம் . உலுக்கிய பழம் சேகரித்து  முட்டாக கொட்டி வைப...

களவும் கற்று மற

களவும் கற்று மற.! திருட்டையும்  கற்றுக் கொண்டு மறந்து விடு. என்றா ஆயிரக்கணக்கான ஆண்டுகளைக் கொண்டு வரையறை செய்யவியலாத நம் மூத்த தமிழினமா சொல்லியிருக்கும் ?   நிச்சயம் கனப்போதும் வாய்ப்பில்லை.  பொருளை மாற்றிப் புரிந்து கொள்வது நம் தவறே. ஆம் பழந்தமிழ் சங்கத் தமிழரின் வாழ்வியல் முறை  இரு பகுதியாக பகுக்கப் பட்டிருந்தது.  முன்னது ( திருமணத்திற்கு  முன் ) களவு வாழ்க்கை , பின்னது ( தி பி) கற்பு வாழ்க்கை.   மனமொத்த உரிய வயதினையடைந்த ஆணோ, பெண்ணோ தனக்கோ பிடித்தவரை காதல் செய்து, பிறகு ,அது ஊராருக்கு அம்பலாகவும் ,அலராகவும் பரவுதல் அறிந்து அச்செய்தி தோழி மூலமாக செவிலிக்கு சொல்லி (இங்கு செவிலி என்பது Nurse அல்ல, வளர்ப்புத் தாய்) செவிலி நற்றாய்க்கு சொல்லி ( நற்றாய் எனில் நாற்றங்கால் அல்ல, பெற்றத் தாய்) நற்றாய் இல்லாரிடத்தில் ( ஒன்றும் இல்லாதவர் என்று பொருள் அல்ல,வீட்டார்) கூறி திருமண ஏற்பாட்டுக்கு இசைவு  தெரிவிப்பார்கள். பிறகு அந்த தலைவன் பெண் கேட்டு வருவான், பிறகு திருமணம் செய்து வைத்து கற்பு வாழ்க்கை வாழத் தொடங்குவார்கள். இங்கே கற்பு எனப்ப...

தாத்தாவுக்கு

சரியாக நான் 6 ஆம் வகுப்பு படிக்கும் போது நடந்தது.......என் தாத்தா தமிழ் நாவல்கள் நிறைய படிப்பார், அவர் புத்தகம் படிக்கும் போது தொந்தரவு செய்தால் 50 பைசா அல்லது 1 ரூபாய் கொடுத்து என்னை வெளியேற்றுவார்,,,, இப்படியே தினமும் என் வருமானம் 2 ரூபாயை எட்டிவிடும்... பிற்கால சோழர்களின் எழுச்சியை இரவு நேரத்தில் கதையாக கூறுவார்,,,96 விழுப்புன் பெற்ற விசயாலய சோழன்,, திருப்புறம்பிய போரில் பாண்டியரை விரட்டியடித்தது,, இப்படியாக சுவைபட கூறுவார். அவரின் படுக்கையருகில் புத்தகங்கள் நிறைய இருக்கும்,,ஒருநாள் நான் "கோபல்ல கிராமத்து மக்கள் " என்ற புத்தகத்தை எடுத்து வாசிக்க தொடங்கினேன், அந்நாவலை படிக்க படிக்க சுவையாக இருந்தது,,,,அக்கதையும் மனதில் பதிந்து விட்டது,, கல்லூரியில் நான் முதுகலை தமிழ் முதலாமாண்டு படித்துக் கொண்டிருக்கும் போது தாத்தாவின் உடல்நிலை சரியில்லை ,,அப்போதும் அவர் என்னிடம் கேட்ட புத்தகம் "கலைஞரின் "பொன்னர் சங்கர் " நானும் ஒரு நண்பரிடம் வாங்கி தந்தேன்,,அதை 2 நாளில் படித்து முடித்தார்,,,இன்னும் என்ன புத்தகம் உள்ளது என்று கேட்டார்,,நான் உடனே தலைவரின் "சங்கத்தமிழ் ...

தமிழா ! தமிழா

எந்த வேலைப் பொழப்பும் இல்லை என்றால் மட்டுமே தமிழையும், அதன் ஆதிகாலத்திய இலக்கிய இலக்கணம் தொடங்கி, தற்காலத்திய வரையிலான நூல்களை படிக்க வேண்டும். ஏனெனில் ஒற்றை தமிழ் சொல்லின் விரிவு பலவாறனாதாக விரிந்து கொண்டே செல்லும். எதனால் கூறுகிறேன் என்றால் ? எந்த வேலைப் பொழப்பும் இல்லை என்றால் மட்டுமே தமிழையும், அதன் ஆதிகாலத்திய இலக்கிய இலக்கணம் தொடங்கி, தற்காலத்திய வரையிலான நூல்களை படிக்க வேண்டும். ஏன் சொல்கிறேன் ?  எப்படி   சொல்கிறேன் என்றால் ? வாங்க படிக்கலாம்  நம் தமிழர்கள் பயன்படுத்திய,  நீர்நிலைகளும்  அவற்றுக்கான பெயர்களும். 01. அகழி – (Moat) கோட்டையின் புறத்தே அகழ்ந்தமைக்கப்பட்ட நீர் அரண். 02. அருவி – (Water fall) மலை முகட்டில் தேங்கிய நீர் குத்திட்டு விழுவது. 03. ஆழிக்கிணறு - (Well in Seashore) கடலுக்கு அருகே தோண்டி, கட்டிய கிணறு 04. ஆறு - (River) – பெருகி ஓடும் நதி. 05. இலஞ்சி -(Reservoir for drinking and other purposes)பல வகைக்கும் பயன்படும் நீர்த் தேக்கம். 06. உறை கிணறு -(Ring Well)மணற்பாங்கான இடத்தில் தோண்டி சுடுமண் வலையமிட்ட கிணறு. 07. ஊருணி -(Drinking water...

படித்ததில் பிடித்தது.

சமீபத்தீல்  ஒரு பாக்கெட் காற்று வாங்கினேன். கம்பெனிக்காரர்கள் நல்லவர்கள் போலும்  அதில் சில சிப்ஸ்களையும்  போட்டிருந்தனர்.  ###BINGO