Skip to main content

ஆசிரியர் தின வாழ்த்துக் கவிதை

மூங்கிலாய் வந்தேன்
புல்லாங்குழலாக்கினாய்

மரமாய் வந்தேன்
சிலையாக்கினாய்

அரும்பாய் வந்தேன்
மாலையாக்கினாய்

தகரமாய் வந்தேன்
தங்கமாய் மாற்றினாய்

மண்ணாய் வந்தேன்
மட்பாண்டாமாய் மாற்றினாய்

ஒலியாய் வந்தேன்
இசையாக்கினாய்

மரமாய் வந்தேன்
படகாக மாற்றினாய்

விதையாய் வந்தேன்
விருட்சமாய் மாற்றினாய்

அகரம் கேட்டேன்
அனைத்தும் தந்தனை

நான் ஒரு நூறு கேட்டேன்
(அக-புற )நானூறு தந்தனை

பசியாற பால் கேட்டேன்
முப்பால் தந்தனை

இன்னது வேண்டுமென்றேன்
இனியவை தந்தனை

மணிகள்  ( Money)  கேட்டேன்
சிந்தாமணி தந்தனை

களிப்போடு தொகைகள் கேட்டேன்
கலித்தொகையே தந்தனை

காரம் கேட்டேன்
சிலப்பதிகாரம் தந்தனை

உம்மைக் கேட்டேன்
தமிழை  தந்தனை.

உயிர் நீ
என் உயிர் நீ

எனக்கு கல்வி புகட்டிய பிள்ளையார் கோவில் தங்கராசு ஆசிரியர் முதல், இன்று வரை எனக்கு நற்கல்வி புகட்டும் தாளாளர் அய்யா ,இயக்குநர் அய்யா உள்ளிட்ட, அனைத்து ஆசிரிய பெருமக்களுக்கும் எனது அன்பான
ஆசிரியர் தின வாழ்த்துக்கள்

தினம் தினம் ஏதோ ஒரு அனுபவத்தை போதிக்கும் அனைத்து பொருளும் எனக்கு ஆசிரியரே ! 

உண்மை வெறும் புகழ்ச்சியில்லை.
அன்போடு, என்றும் உங்களின் மாணவன்
சு.சுரேஷ்மணியன். MA,
Labels:

Comments

Post a Comment

Popular posts from this blog

படித்தேன் அது படி தேன்.

சிந்தை சூழ் கம்பன் கம்பனை எனக்குள் ஆழ வேரூன்ற வைத்த இடம் தத்தனூர்  MR கல்லூரியும், தத்தனூர் மேலூர் கிளை நூலகமும்  ஆகும். கம்பன் என்றாலே எனக்குக் குற்றால நீர்வீழ்ச்சியாய் உள்ளம் பூரித்துப் போகிறது, வார்த்தைகள் விக்கித்து நிற்கின்றன.  என்னவென்று சொல்வேன், ஏதென்று சொல்வேன் அவன் காவியப் புகழை.  நெய்தலுக்கும், பாலைக்கும், மருதத்துக்கும், முல்லைக்கும் மேலாக உச்சியில் இருக்கும் குறிஞ்சி நிலத்தின் உச்சியில் வானோடு கைகோர்த்து, மதியோடும், கதிரோடும் தோழமை பேசும் உச்சி மலையில் விளைந்த கற்பகமரம் அவன். கண்ணதாசன் கம்பரின் ஆற்றலைப் புகழும் போது, "  பத்தாயிரம் கவிதை முத்தாக அள்ளிவைத்த சத்தான கம்பனுக்கு ஈடு - இன்னும் வித்தாக வில்லையென்று பாடு! சீதை நடையழகும் ஸ்ரீராமன் தோளழகும் போதை நிறைந்ததெனச் சொல்லி - எனைப் போட்டான் மதுக்குடத்தில் அள்ளி! அண்ணனொடு தம்பியர்கள் நாலாகி ஐந்தாகி ஆறேழு ஆனவிதம் கூறி - எனை ஆளுகிறான் மூளைதனில் ஏறி!  " என்று புகழ்ந்து பாடுவார். அத்தகைய வளமிக்க கற்பனைக்கும், கருத்துக்கும் உரித்தானவர் கம்பர் என்றால் அது மிகைஅன்று. அயோத்தியை வி...
4 comments
Read more

அனிச்சம்

தமிழ் பேசும் உறவுகளுக்கு இனிய காலை/ மதியம் /மாலை /இரவு வணக்கம் ( படிக்கும் நேரத்திற்கேற்ப பொழுதை சேர்த்துப் படிக்கவும்). ""அழகாய் இருப்பவை எல்லாம்  உன்னை நினைவுபடுத்துகின்றன உன்னை நினைவுபடுத்துபவை எல்லாம் அழகாக இருக்கின்றன'' என்ற காதல் கவி தபுசங்கரின் வரிகளைப் போல,                         "" படித்தற்குரியதெல்லாம் ரசனைக்குரியதாய் இருக்கிறது  ரசனைக்குரியதெல்லாம் படித்தற்குரியதாய் '' இருக்கிறது என்பேன் நான் .     அகநூலோ,  புறநூலோ,  அகப்புற நூலோ,  -நீதிநூலோ எவ்வித நூலாயினும் வாழ்வியல் கருத்து நெறிகளைத்தாண்டி இலக்கிய இன்பம் பயக்குகின்ற, இலக்கிய ரசனை தருகின்ற கருத்தமைந்த வரிகள் கண்டிப்பாக இடம் பெற்றிருக்கும், இது திண்ணம்.            ஆனால் இன்றைய தமிழிலக்கிய மாணவர்களுக்கான  கல்வி முறையில் ரசனை, அழகியல் என்பதை இலக்கியங்களின் துணைக் கொண்டு கற்பிக்கப்படவில்லை, அது போன்ற பாடத்திட்டங்களும் அமைக்கப்படவில்லை ,அப்படியே பாடத்திட்டம் அமைக்கப்பட்டிருந்தாலும், தக்காரா...
1 comment
Read more

பசியின் மொழி

உண்ண ஒரு கைப்பிடி  கவளச் சோற்றுக்காகவும், ஒரு மிடறு உண்ணு நீர் குவளைக்காகவும், காத்து, துக்கித்து இருப்பானின்  மொழி.......... கண்களா ? கைகளா ? சொற்களா ? சுத்தமல்லி, சு. சுரேஷ் மணியன்   M. A,
Post a Comment
Read more